Ahantzi garela...

Borda, Itxaro

 1

 Bai maitea, zahartu garela

 ahantzi garela

 bakartasunak zimurrak dakarzkigu...

 Lau urte gehituz; bost egun gutituz

 hau da denbora luzea

 egunetik egunera eramaten dugun

 eternitatearen kurutzea...

 2

 Bai maitea, bihotzean min dut

 atzo zin egin dut

 bakartasunak nau zugandik urrundu...

 Lau urte jadanik; bost baso edanik

 hau da arno alegera

 egunetik egunera bururaino doan

 arno gorri gozo eta minbera...

 3

 Bai maitea, entzunik algara

 joan behar gara

 binazka eternitatea hausteko...

 Lau urte Saharan, bost gau Himalayan

 hau da mundu gurea

 egunetik egunera lauetik bostera

 ikus dezakegun nere ta zurea...