Kanpuan da

Bilintx

 1

 Izar maite nubena

 ain biyotz guztitik,

 joan zan Donostitik:

 orain neregandikan

 urrutiyan dago,

 bañan gogoan dakat

 joan bañan lenago

 itz eman zirala,

 denbora gutxi barren

 etorriko zala.

 2

 Tristetasun aundi bat

 joan zan ezkeroztik

 senti det geroztik:

 zierto dakit ordia

 berriz nerengana

 etorritzen danian

 maitatzen derana,

 poztuko naizela

 goizaren etorreran

 txoriya bezela.

 3

 Dagolarikan ere

 nigandik urruti,

 ikusten det beti:

 ondotikan joan arren

 oroitzatik ezik,

 zerubaren erdiyan

 izar batek beziñ

 argitasun andiz

 nere pensamentuban

 egiten du diz-diz.

 4

 Desiatubaz nago

 etorri deriyen,

 alegra nadiyen;

 kontentu biziko naiz

 andikan aurrera;

 aingeru neriaren

 edertasunera

 itxutuba oso,

 iskribatuko ditut

 milla kantu gozo.