Filipe Oyamburu
Bidarteko Germantxa
1
Agur adixkideak ezagun'ta arrotz
Kasu berarendako bildu garen geroz
Bihotzak alai eta izpiritu xorrotx
Giro onean denak ez gira maluros.
2
Gaur ohoratzen dugu Pupu Oyhamburu
Pausatzerat abian orai omen dugu
Zernahi lan eginik bai eta liburu
Zorion beroenak eskaintzen diozkagu.
3
Nork ez du ezagutzen gizon famatua
Horrenbertze tokitan baita kurritua
Nahiz Montebideon izanik sortua
Horrek Euskal-Herria zuen hautatua.
4
Begi xorrotxak eta beharriak erne
Gure hizkuntz ederra ahopean berme
Abertzaletasuna sekulan ez gorde
Hainitz holako gizon beharko ginuke.
5
Oldarra ta Etorki ororen gidari
Euskal Kultur mailean xintxo zerbitzari
Irratiaren bidez mintzatuz deneri
Horren emankizunak zoin estimagarri!
6
Urrun hedatua da gizon hunen fama
Ongi baliatu du dadukan dohaina
Ederki baderama sail hori aintzina
Nor izanen ote da Pupuren ordaina?
7
Eskerrik beroenak gaur nahi ditugu
Hemen denek bateanjaun'horri bihurtu
Gut'artean oraino bildu ta gozatu
Biba Euskal-Kultura, Biba Oyhamburu.