Lauaxetaren maitale kutuna
Bidaguren, A.
Ikaraz joan ba doa igetargia
ortzondoari ateak zabal bildurrez.
Matazetan daroa itun beilegia,
bete baita illuna gorrero txakurrez.
Egunak dauan unerik ederrenean
-Ordaz bete- aldenduaz gau nekatua,
artizarra, begi negar, goi gardenean
entzuten zazpi odol gorrien ulua
Maitale kutunaren larrosa usaņa
daroa soņean gazte ameslariak;
zazpi izarrek edertzen aragi gordiņa
Borda-lan txukuna bai egin odol-ariak.
Agoan daroa Aberri-eresia,
kolkoan, sakon, mosu gorien musua
Zazpi zulotik doakio igesia
odol kantu ta maite ametsen ezea.
ĢIkus-eziņa zaran eskongai neskutzaģ
alperrik agoan dakartzazun mosua.
Goizaldearen besoetan lotan datza,
Eriok zazpi mosu gorriz mozkortua.
OLERKARI: Ezingo dok geiago edan
Laukaritz aldeko maastien negarrik,
gorrotoak ausi yok txola lau zatitan
t'inguruan eztok kixkal bako masparrik.
Ez ardo, ez mai, ez arratsberaren babes,
lira ordez, zazpi berun bakar, alperrik
OLERKARI: Ezingo dok geiago abes
eure maitale kutunenaren ederrik.
Zergaitik au i amurruak ain maitea?
Aberri-eresien uolde sutua,
garrik gar, lauaxetara zabaldutea
izan dok bai, soil soilik ire pekatua.
Labur izan dok ire goiz-intzen edana,
eten yak izarren bestaldeko oiartzuna.
Odol moltzo bat aiz, birinbolan oana.
Erio dok gaur ire maitale kutuna.