Asto eta zaldi
«Arri, arri, mandoko
Bihar Garrozerako...»
Ttotte, arriklo, klo, kiok,
Bettiriren gainean ichtaklok:
Trotte gainean, Bettiri zaldi,
Kaska eta azote ukaldi.
Irriz dabiltza etchean gaindi,
Zaldia nardatua aspaldi.
«Aitzina!... arri arri mandoko.
Habil ba! bihar Garrozerako».
Bettirik uzter, Ttottek ostiko,
Ttottek han egin du eroriko
Laster, amaren hegalperat,
Joan da bi nigarren usterat,
Hipaka, eigarren artetik,
Amari derasa goratik:
«Bettirik ez nu gehiago
Bizkarrean ibili gogo!»
«Zer nahuk! Hura bethi zaldi,
Ez dea orai hire aldi?»
«Zer! hak niri: irri mandoko?
Hola ni ez niz jostatuko!»
O zonbat Totte bazterretan,
Eta ez bakarrik haurretan,
Bertzen gostuz nahi dutenak egin irri
Bertzetan beharrik baita zonbait Bettiri.