Nortasuna
Berro, M.E.
1
Aitamek sorte naute betikotz Euskaldun
Zerura buruz nago heietaz eskerdun
Etorkizun bakarra biziaren lagun
Gizontasun leiala ezin uka egun.
2
Lekuko maitasunak mintzaira egin du
Herritar den bihotzak berme hori bildu
Nola errexiñola, kanturik ez badu
Ni ere hola naike Euskara ez banu.
3
Izaiteaz eman daut herriak hazkurri
Arbason ohidurak zalnetan ezarri
Hain azkar xurgaturik haurrak ber'amari
Odola bero daukat ene Euskarari.
4
Arrotzaren mirailak nahiz enganatu
Nortasuna deraukat izaitez sakratu
Ene Euskaldungoa ezin dut aldatu
Gizona ez da behar pildarentzat hartu.
5
Gazte maitea dautzut errangoa zuri
Ama baten galdea bere umeari
Euskara jos dezazun zure bihotzar
Maitasun hortaz zauden herri altxagarri.
6
Goiko oihu samina Euskal-herriari
Mendek egin «Etxea» ez dadin erori
Nortasunaren jabe egon zaiten bet!
Herria, atzar zaite, xuti Euskarari!