Nekazari-jatorraren nekazaritza
Berridi, Antoniyo
1
Gizonak badu sufritu biar
bere lanari eutziyaz
nekazaritza gogortxuena
bada nere iritziyaz;
egualdi on da txarrak
aize ta kaskabarrak
zatitu eta utziyaz
jarduntzen dira biarra dala
danontzat erakutziyaz.
2
Sosegurikan iņolaz ere
eztute beņe artuko
ezbadiyote beren lanari
ekiten jaiki orduko;
nola ukullubetan
ala kanpo lanetan
gogoz diyote elduko
ara urtiak ditun lau erak
nolaz duten jarraituko.
3
UDARA BERRIYA-N
Nabaitzerako egun sentiyak
argitzera ein dubeia
nekazariya arreta aundiz
jaikiko da andik bela;
lenengo siņatuta
otoitzak bukatuta
juango da lajarik gela
beko ukulluko ganaduari
miatutzera ganbela.
4
Aldaturikan belar gozua
ta orbela azpitara
uda berriyan pozez juango da
txistuka jorraketara;
birigarruen kantak
mikaren zalapartak
sentidiran txaretara
gogoz entzunez iritxikoda
bere lan toki bertara.
5
UDARA'N
Ganadubak goiz ustartu eta
arida sallak urratuz
ita aurrian mutill koskor bat
zintzo ta pizkorra artuz;
nekazari pijua
atzetikan dijua
goldia zuzen moldatuz
aren ondoren karramarrua
azkar jartzeko zaletuz.
6
Gero sokilla txikitutzeko
sokor mazua artuta
arriarekin lurra ustendu
gainkiro maniatuta;
kentzeko egarriya
eukiko du jarriya
muntu zuluan sartuta
txarruan kontuz pitar preskua
sotalakin tapatuta.
7
UDARA AZKENIA'N
Ebakitako beratzen utzik
dauden belarrak soruban
zelayetako allubre eta
paotxa ala moduban
eskobariaz bilduz
garbituta arinduz
jarritzen ditun orduban
meta dollortzuk egingo ditu
etxe atai inguruban.
8
Gari baba ta artuz beterik
kutxa zar ta belakiyak
agayetatik baburrun lekak
zintzillik pilla aundiyak;
Udare ta sagarrak
tapatuta belarrak
oritzen kontuz jarriyak
baratza eta sagastitikan
berezi ta ekarriyak.
9
NEGUBA'N
Arturik soka itaya sarda
sakua bizkar gaņetik
ote jornada pisua aldiz
ekarrikodu basotik;
gero askan txetuta
errejilloiz nastuta
ganadun marru gosotik
eman aurrian oju bat iņez
ixildukoira golpetik.
10
Turmoi, tximistak eta aiziak
baztar guziyak puskatuz
nekazariya keskarik gabe
arida etxian sartuz;
derizkayon tokiyan
exerita alkiyan
bizkarra bera makurtuz
eskuan daukan arta buruba
saski batera aletuz.
11
Elur aiziak ebaki biar
nun'ai jeletan putzuba
kanpuan dagon gauza guziya
berriz ala modutzuba;
nekazari jatorra
bulartzu ta gogorra,
naiz izan giro gaixtuba
arbi ta presta abituko da
artuta bizkar txostuba.
12
Gaņera aldiz Uriz kanpuan
egintzak izaten ditu
ango berriyak jakin betanik
ezin liteke gelditu;
peri sonatuetan
berak dakizkinetan
saldu erosik moldatu
nekazariyak bizi modua
opta itendu jokatu.