Lau sasoinak
Bereterbide, Fabien
1
Pasatu zen larrezkena, urtzo multzoekin,
Eremanaz osto frango burrustan berekin;
Biphildu zauzkun arbolak, oihan ainitzekin;
Gorritu mendi mazelak, ospe haundirekin!
2
Gurtuak, ichil-ichila, aldiz oihanpetan,
Ihiztariak zabiltzan, boneta kopetan,
Urtzorik pausatzen zenez arbola kaskotan,
Haitza gaineko abarrak hunkituz askotan.
3
Laborariek zituzten iratzeak sartzen,
Arbez, linez eta orgez, etcherat bilhatzen;
Bai ere baitzioten maiz zintzurra idortzen
Irrintzina zombaitekin, mahatsak arnotzen.
4
Haur-intziren gibeletik laster da nigarra;
Lano beltzen sabelean, jadanik elhurra...
Irin churiz betetzen du kampoan pegarra:
Eiharazin zerukoa, ez da ez zuhurra!
5
Elhur zelai haunditarik laster hatsantua,
Gero iphar eskualdetik, haize hornatua
Sartu zizaukun firrindan, oi zer bekatua!
Lepo zokotik beheiti, madarikatua!
6
Supazter chokoak badu, holakotan segur,
Arrakant frango zinez, eta ainitz egur...
Etche zakur ta labrika, ukanik er'hezur,
Komuzki han dira denak, ichil eta uzkur...
7
Primadera agertu da elhurraren petik;
Chorietan gehienak beren ohantzetik;
Goiz-ats ez dira baratzen ezti kantatzetik
Aro ona erran nahiz guri ahapetik.
8
Pentzeak iratzarturik urgulutan dira
Lore churi honbestekin, badute dirdira;
Undar elhur errestoak joanikan, mendira,
Langileak badoazi alhorrean erdira.
9
Oihana orai beztitzen edergailuz ari;
Plazetan pllotariek badute behari:
Hechil artetik chaharra beha ogiari,
Nasaiki izanen denez, sos eta janhari!
10
Iguzkia zoin den eder preso denarentzat!
Hori denek badakite; halere norentzat
Gauza finkatuagoarik ezinez harentzat!
Chorikumea jelos da, airean direnentzat
11
Ez nuke gaztetegi hau behar bortaratu,
Presundei lazgariekin herraz parekatu:
Baina hemengo choriek nahi eskapatu:
Segur udan plazerekin hemendik libratu!
12
Hemen udak askorentzat hori du erraiten!
Plajetako deskantsuak uztailak emaiten;
Beren buruaren jabe orduan izaten;
Halere urritan dira hunat iragaiten.