Cherrandari goraintzi

Bereterbide, Fabien

 1

 Erdi etzanik, erdi-lo,

 Oihan baten Itzalean,

 Lagun batzu atzarririk,

 Beren armak esku pean,

 Hemen nago pino azpian,

 Papera soho azpian,

 Sort-chokoari igorri nahiz

 Goraintzi neure moldean.

 2

 Ikusten dut, segur klarki

 Begiak hetsiz geroztik

 Etche churi multchoño bat

 Aski hurbil bat bertzetik;

 Bidechka latza heien artean

 Ichil heldu da menditik;

 Ur-erreka dena larderia

 Badoa oron artetik...

 3

 Kartierreko latsarria,

 Bazinakike zer konda:

 Zuk daukazun ur garbia

 Denen chahutzeko on da...

 Churiketekin bi elhe minkor

 Aiseche ditazke honda,

 Bainan zure lertzo garbitzale

 Andre guti da bolonda.

 4

 Badu orai zombeit egun

 Urrun zirela, Cherranda!

 Ni bezala ainhitz gazte

 Hemen dabiltza barranda;

 Gorputza hemen izana gatik,

 Gure gogoeta han da;

 Hemen jada ukhanak ditugu

 Intresak eta arranda.

 5

 Jende gazte, gizon chahar,

 Ezkondu eta mutchurdin,

 Hor zaudezte familian

 Egun oroz kasik berdin;

 Argi ttirrinttan lanari lotu,

 Bakean bizi denekin;

 Eta biharamuna guaita

 Arrangura heinekoekin!

 6

 Hemengo trichten zorteak

 Bertze griñarik badauka:

 Lan guti eta delarik

 Embeia guti arauka:

 Azen ontzeko, erromesenek

 Sobera chito apoka;

 Bertzaldetik azeri ta otso

 Gauaz ateari joka.

 7

 Dirudun eta erdaldun,

 Hetaz guti arrangura:

 Izaitekotz, gehienak

 Hetaz trufatzen ardura.

 Orai ahatik beldurrarekin

 Heldu zaiote burura,

 Amodio eskasaren faltan

 Dutela beren malurra.

 8

 Etorkizunaren berri

 Nehorek Jeus ezin erran;

 Urrunetik zombeit aldiz

 Mintzatzen da alferretan:

 Ez halere, oi ahideak,

 Ahantzi zuen lanetan

 Hemen herrestan dabiltzanak

 Larri ta chumen kaltetan!