Belzunce, Bernard
[Ene izar maitea] (Nafarraren arraza)
1
Nafartarren arraza
Hila ala lo datza?
Ez dut endelgatzen
Belzunze Bizkondia
Hain kapitain handia
Ez baitzaut mintzatzen;
Hori zaut gaitzitzen.
2
Haurretik zerbitzura
Eta ardura sura
Gogotik joaten zen.
Hanitzetan kolpatu
Eta bethi sendatu,
Hala behar baitzen:
hiltzea damu zen.
3
Hanobre-ko partetik
Armadaren erditik
Erregek deitu du;
Itsasoz bertzaldeko
Indarren beiratzeko
Hura hautatu du
Anglesa izitu.
4
Angles bolbora finak,
Libera esterlinak
Ez ziren askiko,
Belzunzen garaitzeko,
Gutiago biltzeko:
Fidel erregeren
Orai eta lehen!
5
Hura joanez geroztik,
Ez da harat Anglesik
Batere hurrandu.
Egin dute espantu,
Bai eta atakatu
Nahiz abiatu,
Bidean gelditu.
6
Beren aferak naski
Egin tuzte hobeki
Orduan Habana-n,
Zonbait tiro tira-ta
Sartu dire jauzteka
Hirian trionfan,
Belzunz ez baitzen han!
7
Gotingo-ko partian
Entzuten zutenian
«Belzunze heldu da»,
Elgar-gana bil-eta,
Harturik baioneta,
Oihuz armetara,
Lothurik ikhara!
8
Belzunze-ren izena
Eta haren omena
Urrun da hedatzen.
Erregeren gortetan
Hiri ta kanpañetan
Nork ez du entzuten
Belzunzez mintzatzen?
9
Zuhauren herritarrek
Bai eta Laphurtarrek
Goraki diote:
Eskualdunen lilia
Ta ohoragailia
Zu zira Belzunze!
Luzaz bizi zite!
10
Frantziak gero ere
Hanitz denbora gabe
Etsaiak baituzke.
Zure odoletiko
Aintzindari ongiko
Erregek on duke:
Othoi, ezkont zaite!
Belzunze jauna hil-eta, azken kobla hunen orde huna zer kantatzen zuten:
11
Ethorri da berria
Bihotzen hausgarria
Kantak ixil beitez!
Gaudezen auhenetan,
Dolore minenetan,
Gaudezen nigarrez
Egin da Belzunzez!
12
Nehork ez garaitua,
Garaitzen ohitua,
Izan da garaitu.
Oi herio garaia,
Hi haiz haren etsaia;
Hik duk gudukatu,
Bakarrik zebatu!
|