Buffalotik

Barreto, Felix

 1

 Hemeretzi ehun ta hirogoi-ta-bian,

 Bertsuak nahi ditut hedatu munduan.

 Amerikako leku zonbaiten gainean.

 Wyominen jarria naiz aspaldi haundian,

 Biziaz etsitua, desertu batian.

 2

 Sor-lekua utzirik gazte nintzalarik,

 Buffalon sartu nintzan kuraiaz beterik.

 Amerikano, Angles, Indianotarik,

 Atzeman dugu hemen jende orotarik:

 Halere jalgi bainaiz bizi ta osorik!

 3

 Aipatu nahi ditut gure desertuak,

 Artzaingoko ditugun neguko lekuak.

 Elhurrak aspaldian churituitu denak;

 Ezin pasatuzkoak guneka pezoinak;

 Makiler finkatuz du joan-behar gizonak!

 4

 Goizetan jeikitzen naiz suaren pizteko;

 Kozinatzen hasten naiz, chakurra lekuko;

 Churiketa, lisatze, denak enetako,

 Emazterik ez baita hoien egiteko:

 Lekuan gertatu naiz denen ikasteko.

 5

 Lekurik hitsena da munduan Buffalo:

 Urtearen erdia elhurpean dago.

 Arbola hostoturik ikusi deneko,

 Ekainaren undarra, uztaila seguro.

 Pentsa hemen jendea ez dagonez sano!

 6

 Beharrik Eskualduna da abiltzen ari

 Airosteko badaki pentsatzen zer nahi:

 Hazparnetik batugu hiru musikari:

 Akordeon ta piston ala tanburlari,

 Pierre Belleau notetan denen buruzagi!

 7

 Kantu hauk eman ditut artzain laguneri

 Desiratuz urte bat urusa deneri;

 Eta partikulazki Escos handiari.

 Agian izanen du harrek osagarri;

 Ameriketan tokeroa da eskasten ari!