Sor lekhuari

D. Garaztarra

 1

 Hasi naiz ametsetarik.

 Sor lekhuaz orhoiturik,

 Pertsuka alegerarik

 Eskualdun seme, naizen bezala, laborari umetarik

 Khantatuko dut gorarik

 Non dudan ezaguturik

 Mundu hau berri berririk.

 2

 Mendi zelhaien artean

 Herri ttipiño batean

 Ama baten sahetsean

 Badu hogoi-ta, hamar bat urthe Bachenabarre aldean

 Sorthu mintzela munduan

 Sasoinik ederrenean

 Eskhainaren lehenean.

 3

 Ama bat badut maiterik

 sorthu lekhuan utzirik

 Gazte gazte nintzelarik

 Etzaut iduri, badela nehun enea baino hoberik,-

 Ama guziak bildurik;

 Bihotza guriagorik

 Ene alderat segurik.

 4

 Ner-etcheko haurridiak.

 Gehienak ezkondiak,

 Bizi moldean jarriak.

 Heieri esker jakiten ditut Eskual-herriko berriak

 Cheheak eta larriak

 Diren bezala guziak;

 Hain dire maithagarriak.

 5

 Eliza dorre berria

 Arhintzen dauku herria

 Guziz arrotzen begia

 Hiru kadrana hiru aldetan markatzeko tenoria

 Aldean du jauregia

 Baratze pare gabia

 Dena liliz estalia.

 6

 Eskual herritik hirira

 Ainhitzak lerratzen dira,

 Gu ere hetarik gira;

 Bainan bihotzez, goizetik arrats, sorthua naizen tokira

 Bethi heldu zaut gogora

 Egunetik biharrera

 Banohala Garazira

 7

 Lehen oihan bazterretan.

 Pentz-alhor mahastietn.

 Berdin bortuko bidetan,

 Alegerarik, goizik nindohan,chahakoa eskuetan

 Edaten nuen artetan,

 Ahal guziez chirrichtan

 Geldituz bide chendretan.

 8

 Eskualdun dantza jauziak

 Ez ditut, ez, ahantziak,

 Izarra gatik luziak

 Muchiko, ala bertze zer nahi, buruan ditut guziak

 Lehen ontsa ikhasiak.

 Zahar herronkan jartziak

 Khentzen dauzkit gutiziak.

 9

 Ohiko auzo lehena,

 Adichkiderik maitena

 Dut Beñat gazte laguna.

 Dembora batez ardura ginen lerratzen elgarren gana

 Errechki utzirik lana

 Edateko arno ona

 Sotuan zen hoberena

 10

 Zuek nere herritarrak,

 Gaztiak eta zaharrak,

 Guziak gizon azkarrak,

 Badakizue nola emplega Jainkoak eman indarrak

 Baratze bide bazterrak

 Hambat baitira ederrak,

 Jaunak, zueri eskerrak