Nire Makila.

Jean Barrier.

 I

 Aitachok sagardoian pikatu mizpira,

 Aitak legundurikan errhiez ardura,

 Azkenean zaut niri jin eskuetara.

 Ai, ai, ai, mutila...

 2

 Lehen hurratsak ditut nik egin munduan,

 Sukalde chokoan zen kutcharen ondoan

 Amak lagunduz bainan... makila eskuan!

 3

 Geroztik ez dut utzi nik neure makila,

 Hura gabe, garbiki, sorginez bi mila,

 Ez zeraut iduritzen gizon bat naizela!

 4

 Merkatutik etchera ilhun nabarrean,

 Zintzurra legundurik arno nafarrean,

 Irrintzinaka noa, makila airean.

 5

 Igande arrats batez, erreka batean,

 "Gizotsoa" jali zaut, nik uste gabean;

 Makila kaska batez zarri dut lurrean.

 6

 Pobrechko ala zozo izanikan ere,

 Makilaren beldurrez, segurki halere,

 Eginen dautzuete guziek ohore.

 7

 Espartinak zangotan, hup! arin arina,

 Sorbaldak beheiti barneko urdina,

 Makila eskuinean... horra Eskualduna!

 8

 Soldadoen ezpata, eder agerian...

 Miletan ederrago, Eskual-Herrian,

 Gure putiko gazten makilak airean!

 9

 Aitaso Eskualdunek, Moroen demboran,

 Etsai beltza zaukaten han numbait ikharan;

 Makilek, zer huchtuak, heien ahurrean!

 10

 Ni hiltzen nizanean, nihauren makila,

 Semeak en'ondoan othoi zar dezala!...

 Bere onetan Petrik idek dezautala!!!...