Larrazkena

Barbier, J.

 1

 Zoin eder Larrazkena, gure herritan,

 Hegoa firurikan mendi bazterretan!

 Odola harrotzen du orori zainetan:

 Jantza-piko bat niro eman lorietan!

 2

 Mendian, Jainkoari hurbil da artzaina,

 Ihatze ederrenen erdian etzana;

 Ardiak han badauka sorho gizenena,

 Otseho zalurikan doa harat-huna.

 3

 Arthoak bildu eta, alhor bazterretan,

 Su handi batzi dira phiztu astiritan;

 Suaren aintzinean, zerbait eskuetan,

 Mustro batzu huna nun agertzen zauzkitan!

 4

 Su eskuin eta ezker, su alde orotan,

 Huna mendia eri nun eman den sutan!

 Zer da bada gerthatzen gare tokietan?

 Gerla bat othe zauku gau huntan?

 5

 Hainbertzenarekin dut dei-adar bat entzun...

 Arrolan othe zauku agerturen nihun?

 Bainan ez, Altabizkar gelditzen da ilhun...

 Errakinen erretzen ari zira urrun!...

 6

 Gau on, azkon-zaintzale, gau on, dei-adarra!

 Gerlarikan ez bada, banoa ohera;

 Bihar goizean gero goizik ihizira,

 Chingarrez hampaturik nere dihizira.

 7

 Argi-hasteko horra nun nizan heldua,

 Gurri gorria huna nere apegoa!

 Go'mak, zuhurra bahaiz, koloma gaichoa,

 Zalurik, gora gora, hegaldaka hoa!

 8

 Gaztenak irriz daude, ezpainak ageri;

 Pampaka hagak ditu lurrerat ichuri.

 Ihatze gorri pean, kasu or joari,

 Brosta barnean aldiz, lo den erbiari!

 9

 Huna orai lotsunak, karranka handitan,

 Erregelatuak, han, zira gorenetan...

 «Letsuna, lerro-lerro, lerro-lerro betan!»

 Arbi-jorratzaleak heier so landetan...

 10

 Mahasiten artetik oihu-irrintzinak

 Mendi pereter gora dohazi ozenak.

 Saskietan mukurru mahatsak emank...

 Oi, zer arnoak aurthen... zer karrosañoak!

 11

 Chederetan choria, lephotik hartua,

 Dilindan horra nun den horchet urkatua;

 Chori berriketari hanbat maitatua,

 Baita zaguk, gaichoa... hire hil-kantua!

 12

 Ostoak ja erortzen diru abiatu.

 Mendi gainean aldiz, artzaina da hoztu:

 Bulumbaka ardiak jauts-arazi ditu...

 ....................................

 Kampoan zen eria barnerat da sartu!