Harpeko Gizonari

J.Barbier

 1

 Donamarti aldean, haro bat handia

 Burrumbaka, zaflaka zauku eraikia: 

 Lehengo Eskualduna non den ehortzia,

 Jakinen amen dugu! Oi, gure loria.

 2

 Ichturitzeri hurbil, Harpe handietan

 Aitorren semea zen bizi mende hetan

 Hartz eta otsoekin bethi guduetan

 Ihizi basak oro zauzkan ikharetan!

 3

 Hor, jendea trumilka zauku abiatu,

 Harpe hori beharrez miatu, ikertu..

 Bainan lazta handiak ditu oro hartu

 Dutelarik aditu han zer den gerthatu

 4

 Bi jauntto beraz dira, iragan astean,

 Goieneko zilora herrestas igaran;

 Kuku-mauka zoazin bi-biak, lerroan,

 Non zer zen atherako... ikharadaldaran...

 5

 Bet-betan, zoko hartan, zerbait ikharatzen...

 Ta hezur andana bat zaiote mogitzen:

 Lehengo Eskualdunak hobian harrotzen,

 Eta, berriz phiztuak, zaizkote chutitzen!..

 6

 "Nor zaizte bada, zuek, bi atrebituak,

 Hunaraino, herrestan, hola hupatuak?

 Laster ez batutzue toki hauk hustuak

 Horchetan zaitezke ongi zafratuak!"

 7

 —"Eskualdunak gira gu, zuek maitez jinak,

 Jon Doni Petri Beltcha'ta Otsobi jaunak..

 Eskualduna maite du bethi Eskualdunak...

 Onharzkitzue, othoi, gure zorionak!

 ******

 8

 Eta gero, Harpean zer izan da othe?

 Geroztikako deusik ez omen dakite..

 Kamporako bidea zalu hartu dute..

 Horchet baitira biak... biak chulizaizte!