Gerla ondoan

Barbier, Jean (J.B., Donibane-Garaiztarra, Ganich)

 1

 Behatu diotet, gaur, gure mendieri,

 Eta ikhusi ditut arthaldez igeri!

 Behatu're diotet oihan handieri...

 Ederki hostaturik, irriz zauden neri!

 2

 Karrankaz airatuak, han, bortu-gainean,

 Arranoak, lerroka, zera gorenean...

 Haret hunt zoazin, librotasunean...

 Soldado-Xoririkan bat ez, urrunean!

 3

 Ur-xirripa heldu zen, garhirik goizean,

 Othoitzean Jaunari, kantu-erasian!

 Xori papo gorriak, leiretan sasian,

 Hurrupaño bat dia hartu airatzean!

 4

 Barrandan egotu naiz, kanoia, zafraka,

 Noiz hehar othe nuen aditu, milaka...

 Bildotx-ardiak ditut entzen marrumaka;

 Artzaina ondotikan heldu zen xixtuka!

 5

 Nere etxe xuriak -irriz denak ari-

 Dir dir egiten zion argi-zirrintari!

 Erleak, burrubaka, lothuak lanari,

 Andre-gaia zabilan, bihotza kantari!

 6

 Hil-mezuen orde, nik ategrantzietan,

 Espos-oihuak ditut entzun elizetan!

 Kapa ilhunak orai beude xokoetan...

 Oi, zonbat joia pullit, aurthen herrietan.

 7

 Izatua naiz beilan, gerla-tokietan,

 Eta zer ikhusi dut, hildo ilhunetan?

 Ogi urhezkoa zen heldu, lorietan!

 Xori bat kantuz ari, kanoi baten puntan!

 8

 Ikhusi izan ditut hango hil herriak,

 Milaka han, martirak lerroka zarriak;

 Hautxet zioten orok, hantxet eroriak:

 Bakea duzuela; bakea Herriak!

 9

 Eguerri zen bain xuxen, nik uste gabean;

 Sartu nintzen, goiz batez, eliza batean;

 Jesus-Haurra mintzo zen, bi taulen artean:

 «Loria zeruetan! Bakea lurrean!»