Garazin gaindi

Barbier, Jean (J.B., Donibane-Garaiztarra, Ganich)

 1

 Garaztar batek egun agur Garaziri,

 Eskual-herri -guziko Parabisuari;

 Hitz bat errango deiet hango herrieri.

 Ai, ai, ai, mutila.... hango herrieri.

 2

 Bost zubiren erdian horra Donibane:

 Gu bezalakorik nun Paris ere barne?

 Ez duk ez Donibane, gero, Untzorone!

 3

 Izpuran seietarik bost segur harginak,

 Hala hala Garaztar plachent hoberenak,

 Bainan dantza hoietan debruez eginak!

 4

 Ez herri ta ez hiri da Donazaharre.

 Buhameño horier hurbilegi zare!

 Jende gochoa bainan...ardura hasarre!

 5

 Duzunaritze eta gero Sarasketa

 Zuen paretañoek oi zer-mahasketa!

 Damurik dik arnoak berotzen kasketa!

 6

 Buztintze-Iriberri, heiekilan Jatsu,

 Nola ez othe dira biziki dohatsu?

 San Frantsesen besoa han da, han, indartsu!

 7

 Gizon pollit ginarrez gustatzen bazira,

 Gamarth' Añhizan barna zoaz Lakarrara;

 Han oro ichil eta prestu bizi dira.

 8

 Nola utzi Hergarei hitz bat erran gabe,

 Ahatsa, Lekumerri, eta zü Mendibe?

 Hor bizitzea baino othe da deus hobe?

 9

 Donibaneri hurbil altchatzen Uharte.

 Donibane bezanbat nahiak zarezte!

 Artoz ase on zonbait egin... ordu arte!

 10

 Nahiz den Garazitik puskaz urrunegi,

 Choko batean irriz badago Arnegi;

 Izena ukan gatik, ez da arno hegi!

 11

 Ur handian igeri huna Eihalare:

 Ahapetik diote: «Pues! Akelarre!»

 Asko kabaleriak han dauke biltzarre...

 12

 Eiheralarre hurbil da Ezterenzubi;

 Holako herririk ez dotzenan hamabi;

 Miarritzeri da urez nausi Beherobi!

 13

 Hortchet nik ahanzter hut hi gaicho Ainzile!

 Dioie ez hizala harrabots egile...

 Mañifikatian ere duk: «Ainzile sua».

 14

 Pertsu hauk emaitea ez gaitzi nehori!

 Irriz ez bada aizu pertsulariari...

 Barkamendu dautzuet eskatzen orori!