Garazin gaindi

J.B.

 1

 Garaztar batek egun agur Garaziri,

 Eskual-Herri guziko parabisuari;

 Hitz bat errango deiet hango herrieri.

 Ai, ai, ai, mutilla,

 Hango herrieri,

 Ai, ai, ai, mutilla,

 Hango herrieri.

 2

 Bost zubiren erdian horra Donibane,

 Gu bezalakorik nun Paris ere barne?

 Ez duk ez Donibane, gero; Untzorone!

 Ai, ai, ai, mutilla

 3

 Izpuran, seietarik bost segur harginak.

 Hala hala Garaztar plachent hoberenak,

 Bainan dantza hoietan debruez eginak.

 4

 Ez herri'ta ez hiri da Donazaharre.

 Buhameño horier hurbilegi zare!

 Jende gochoa bainan... ardura hasarre.

 5

 Duzunaritze eta gero Sarasketa,

 Zuen paretañoek oi zer mahasketa!

 Damurik dik arnoak berotzen kasketa!

 6

 Buztintze-Iriberri heiekilan Jatsu,

 Nola ez othe dira biziko dohatsu?

 San Frantsesen besoa han da han indartsu!

 7

 Gizon pollit ginarrez gustatzen bazira,

 Gamart' Anhizan barna zoaz Lakarrara;

 Han oro ichil eta prestu bizi dira.

 8

 Nola utzi Hergarai hitz bat erran gabe,

 Ahatsa, Lecumerri eta zu Mendibe?

 Hor bizitzea baino othe da deus hobe?

 9

 Donibaneri hurbil altchatzen Uharte.

 Donibane bezambat nahiak zarerte!

 Artos ase on zombait egin,... ordo arte!

 10

 Nahiz den Garazitik puzkaz urrunegi,

 Choko batean irriz badago Arnegi;

 Izena ukhan gatik, ez da arno egi.

 11

 Ur handian igeri huna Eihalarre;

 Ahapetik diote: «Pues! Akelarre!»

 Asto kabaleriak izan dauke, bilzarre...

 12

 Eihalarreri hurbil da Ezterenzubi;

 Holako herriek ez dotzenan hamabi;

 Miarritzeri urez nausi da Behobi!

 13

 Horchet nik ahanzter hut hi gaicho Ainzile,

 Dioie ez hizala hamabost egik...

 Mañifikatian ere duk: «Aintzile suae!»

 14

 Persu hauk emaitea ez gaitzi nehori!

 Irriz ez bada haizu persulariari,...

 Barkamendu eskatzen dautzuet orori.