Arrosak

 1

 Goizik,jeiki ninduszun, albako freskuran,

 Aixturrekilan sartu ene baratzean.

 2

 Arrosa moskadatu ederrak baziren,

 Hetarik moztu nahiz hurbildu nintzaien.

 3

 Pinpirinetan denak oraino izaki,

 Halere hiru adar nituen ebaki.

 4

 Batto ekarri nion ene aitasori

 Irriz hartu zerautan musuño bat sari.

 5

 Bertzea eman nion segidan amari,

 Begiratzen niola azkena Paulori.

 6

 Paulo ene maitea Pauen soldado zen

 Nola norekin igor nindagon pentsatzen.

 7

 Azkenean Pauerat nihaur naiz partitu;

 Maitea lo zagola bainuen kausitu.

 8

 Dabantalaz bainion burua estali,

 Hitz hauk zauzkilan xoilik trufatuz itzuli:

 9

 Nor da kilikatzera jin zaitan urrixa?

 - Ez hola mintza, Paulo, ni nuzu Gaxuxa...

 10

 - Munduan barna bada zer nahi Gaxuxa!

 - Ni zure maitea naiz, etzaitela kexa...

 11

 - Zaude ixilik, nehoiz ez zaitut maitatu...

 Gibelaz itzulirik Paulek nau kitatu.

 12

 Haren ele ederrek titulikaturik,

 Zenbat gizongai prestu ez daukat galdurik!