Eguberri

Barbier, Jean (J.B., Donibane-Garaiztarra, Ganich)

 1

 Betlemeko establian,

 Lasto hutsaren gainean

 Jesus ttikia etzana

 - Zoin maite zaitudan! -

 Doi-doietan jina

 Heia txar batean!

 2

 Gau-erdi da, negu mina:

 Horma ari du, samina...

 Bi animalen erdian

 - Zoin maite zattudan! -

 Hotzez ikharetan

 Heia txar batean!

 3

 Horra belhaunka emanak

 Bihotza sutan, artzainak

 Othoitz kartsuetan ari...

 - Zoin maite zaitudan! -

 Zu irriz heieri

 Heia txar batean!

 4

 Ama Birjina gaixoa

 Eta San Josep mditea

 Lorietan zuri beha...

 - Zoin maite zaitudan! -

 O gaurko loria

 Heia txar batean!

 5

 Izarrak zuri begira

 Horra dantzan hasi dira:

 Taula artetarik zuri

 - Zoin maite zaitudan! -

 Oro irriz ari

 Heia txar batean!

 6

 Aingeruek gaur zerua

 Trumilka dute hustua:

 Hauxe da hegal-burrunba!

 - Zoin maite zaitudan! -

 Zerua gaur hor da

 Heia txar batean!

 7

 Iduzki ederra baino

 Zarelakotz ederrago,

 Besotan harturik, Jesus,

 - Zoin maite zaitudan! -

 Jaten zaitut musuz

 Heia txar batean!

 8

 Jesus ttikia, gau huntan

 Huna gu bozkariotan!

 Bihotzez «Ongi-ethorri!»

 - Zoin maite zaitudan! -

 Bai, «Ongi,ethorri!»

 Heia txar batean.