1858-ko neskak
Baluyan, M.
1
- Ai, ei, ai, ama, buruan min!
Arto jorrara gan ezin!
Josteko batzu nere gelan orai banituzke behin.
Bertzela ez dakit zer egin.
2
- Bai, nere haurra, bahoake,
Nahi badun izan bake.
Hire aitak ema-sabelaz ez du batere sineste.
Zertako hartu du emazte?
3
- Mankan, ama ote da kafe?
Xortatto bat nahi nuke
Kurrukaka nere sabela nihon ere ez dagoke.
Laguntza zerbait behar luke.
4
- Bai, nere haurra, izanen dun,
Kausi badezaket nehun.
Agorient ttantta bat ere xixari hiltzeko on dun.
Beharra badut nik egun.
5
- Herriko besta hemen dugu,
Ni behar naiz ahalketu!
Soin berriaren egiteko aitak ez omen du diru
Beharko dugu enganatu!
6
- Zein ilunik zauden, Piarres!
Zeren duzu kopeta beltz?
- Ai, Maria, diru-galdea... eta nik moltsan baterez.
Etxea bete dugu zorrez.