Hexur-ixtorio
Bake-xori
1
Behin pertsu andana bat,
ontsa izartuak, apaindura ederrean;
gero lerro-alde bat, barrastan,
hizkuntza aberatsean;
lehena B.D.-k egina,
bigarrena, Etxamendi-k igorria,
irakurtu ahal dituzue kaseta huntan,
iragan asteetan.
2
Gatz-biperrak azkar emaitea
laket zaiote, bati ala besteari;
eta ere, menean duten ber, ozpina
gainerat ixurtzea
salda samina!
3
Hastapena: B. D-ri gertatu zaio
hexur bat zintzurrean trebes,
zerbeit entzunik
makur zitzaionik.
Mendekatu nahi izan du kozinerari.
Alabainan, besterik nori?
4
Bainan... Bainan... hortan da guzia,
Eta auzia:
Kozinerez tronpatu dela
Jin zaio errefera.
5
Eta... Eta... Etxamendi-ri
Hezur hori
Zintzurrean trebes jarri !
Hezur handia
Eta zorrotza;
Edo hertxia, zintzurra!
Haren itho-beldurra!
6
Bi xori horien artean sartzea
Zuhur othe da?
Hartuko dut ausartzia.
Biak ezagun ditut, biak adixkide
Edo bederen uste!
Bizi zaizte bakean, zuek biak,
Xori pago-gorriak!
7
Edo-zer izan dadin
auzoarekin ibili tratua,
Izan zira, Etxamendi, hautatua
Ta beraz beste bat baztertua.
Hau da egia,
Ezin hautsizkoa.
Zuretzat ohore
Merezimendu gehienen jabe
Zinenez geroz, dudarik gabe.
8
Ohantzearen egiteko ukan duzu
Asko diru.
Ez izan beldurrik:
Ez du turnatzerik.
9
Orduan egin zinuen onhartzea
Bai eta ere eskurat hartzea.
Egungoa duzu,
Sobera ez bazautzu
Den hura aitortzea.
Galde hau zuri: B. D.
entzun eta paso
Utzirik ez dea hobe,
hala ez dena frango?
Kantaria kantuz bego.
Fornitzea lana zaio.
10
Ez xeka ixkilimarik
Belar meta batean;
Bera agertuko da, ez da dudarik,
Selauria garbitzean.
11
Emazue kantu,
Egizue pertsu,
Ahal bezain usu.
12
Eta nik bakotxari
(eginen dut kasu)
Moko-puntan musu!