Xaharren arbola
Baigorriar batek
1
Graziaren urtean gertatu zaukuna
Baigorriko xaharren atera eguna
Mahainaren inguru otordua ona
Elgar idurientzat hauxe zoriona.
2
Hobeki ezagutuz geiago maitatzen
Xahar baten bihotza hortaz da gosetzen
Elgartzeak baigaitu gu anai hobetzen
Atera egunari leial izan gaiten.
3
Uste gabean jin da gore xahartzea
Ezin bertzeak daukan hau azken partea
Hanbat nekea baita hola izaitea
Jaun onak gorets beza gure kurutzea.
4
Oraiko gizarte hau dezagun eskertu
Zuzen bidez laguntza ekarri baitauku
Gure izardiaz da mundua edertu
Orai xahar egunak ditzagun goxatu.
5
Adin hunek ezin du ez bertze amentsik
01 asko lokarriez buluztea baizik
Hortaz gogoa berri ahalaz apalik
Bertzela ote daike xahartze urosik.
6
Baigorriko xaharrak gauden alegera
Bizia har dezagun heldu den bezala
Elgarren maitasuna azkartuz doala
Ederra izan dadin Xaharren arbola.