Estrogon jauna.
Godotenea, z/g.
Samueltown. UKRONIA.
Gogo maitea:
barka ezak aldegina
arrazoi huen
urkatzean gogortu egin zitzaidakean
hemen parajeak
errauts koloreko dituk
ez zegok
belardirik are gutxiago ibairik
mendiak ere
errautsezko dunak dituk eta
ez zegok
egunik, ez gaurik ez bihar ez etzirik
behi bat
ikusi diat ezereztietan bazkatzen
etor hadi
oinetakorik gabe biziko gaituk
ikusiko duk
nola hiri ere gogortzen zaian sokapean
etor hadi
garai zaharrak gogoratzera
esan zidatek
ez dagoela inoren zain egon beharrik
etor hadi
Gogo, etor hadi lehen bait lehen
VLADIMIR
© Joxerra Garzia "Joxerra Garzia: Dena dela (Bezperaren kronika)" orrialde nagusia