hil da esperantza
atean joka ihardun zitzaigun
geratu arte hilotza
hil da esperantza
uda ta negu aditzen dugu
leihotik haren kiratsa
hil da esperantza
ongarri ezak hondatuko du
arbaso zaharren baratza
hil da esperantza
gailendu zaigu beldurra eta
nagusi dabil zalantza
hil da esperantza
erdal airean eskainiko du
herri honek azken hatsa
hil da esperantza
beranduegi jaio ginenon
garrasiaren garratza
hil da esperantza
berpizterikan ez dago eta
bizi bedi esperantza
© Joxerra Garzia "Joxerra Garzia: Dena dela (Bezperaren kronika)" orrialde nagusia