Ikusi nuenean
nik zure islada
iruditu zitzaidan, maitea,
airean ainara.
Estrainekoz entzunik
nik zure ahotsa
iruditu zitzaidan, maitea,
lamien dei-hotsa.
Ikusi nuenean
zure begirada
iruditu zitzaidan, maitea,
altxorren ganbara.
Aditu nuenean
nik zure usaia
iruditu zitzaidan, maitea,
loreen eztaia.
Dastatu nuenean
zure zaporea
iruditu zitzaidan ez zela
beste bat hobea.
© Joxerra Garzia "Joxerra Garzia: Dena dela (Bezperaren kronika)" orrialde nagusia