Irrintzia dut aita
ama isiltasuna
bortxaz
estali zuena.
Urraduraren ondorioz
hil zen ama.
Usteldu ziren
amaren
errai odolduak
eta han
putzu gori hartan
sortua naiz
dardarti.
Ama bezala naiz
hauskor eta debila
eta badakit
berandu gabe
irrintzi ahaltsuren batek
urratuko duela
sabel nere hau
baina
bortxakeriaren bortxaz
erditurik
ni bezalako
izaki izutietan
loratuko zait
odola.
Isiltasunaren alaba naiz
hitza
deitzen nautena.
© Joxerra Garzia "Joxerra Garzia: Dena dela (Bezperaren kronika)" orrialde nagusia