I.— Heriotza untzi erratu bat da
poetaren irudimenean eta
poetaren irudimena arma bat hauskorra
—apenas sastakai bat—
desidiaren itsaso zabalegia zeharkatzeko.
II.— Sastakaia ukabil altxatuan duela
etsai imajinarioen zelatan dihardu kapitain poetak
—imajinarioak dira piratak harrapakinik ezean,
eta hodeien negarra itsasoaren altzoan—
inoraezerako untziaren branka zabukarian tente.
III.— Orduen olatuak beste porturik ez dago hemen
heriotzetik babesteko
— heriotza misil sofistikatu bat da—
hondorik eza noiz joko,
jitoan doakigu bizia,
untzi erratu hau.
© Joxerra Garzia "Joxerra Garzia: Dena dela (Bezperaren kronika)" orrialde nagusia