Laberintoak lau ate
bakoitzean bina kate
zure zortziko arnas konpasek
aspaldi preso naukate.
Laberintoak lau sala
ilunak gaua bezala
zure begien ñirñir ñabarrak
argirantz gida nazala.
Irtenbide bat bakarra
hura aurkitu beharra
zure petxuko upeletatik
eman zaidazu indarra.
Zortzi kate, zortzi giltza,
herioak darabiltza
berak ateak ireki arte
bizi dezagun bizitza.
Nahiz eta izan hain llabur
bizitza ez dugu xamur
zergatik egon herioaren
besotan erori beldur?
Bagabiltza bidez bide
ezerezerako kide
amets gaizto hau betiko loak
bihurtuko du aierge.
© Joxerra Garzia "Joxerra Garzia: Dena dela (Bezperaren kronika)" orrialde nagusia