Beste denak ditut paltan
Nik uste neban zorioneko
Nintzala izango'diruaz
Amerikara pozik juan nintzan
An dirutzeko asmuaz
Ainbeste urte egin da nere
Baserrira biurtu naz
Baina etxea erdi jausita
Palta gurasuen arnaz
Nire zorion ames guztiak
Uko egin dabe nigaz.
Ameriketan ikusten neban
Dirua eta gauzia
Jaiotetxeko gomuta gabe
Igaro aldi luzea,
Gaur baserri au ikusi eta
Konturatzen naz asia
Zertako dodan Amerikako
Dolarren irabazia
Palta baditut nere guraso
Ta BASERRIKO bizia.
Amerikara nere guraso
Ta baserria itzita
Ames aunditan etxeratzeko
Zearo aberastuta
Gaur gurasuak palta ditudaz
Neu barriz mutil zahartuta
Ain maite neban nere lorea
Beste bataz ezkonduta
Orain dirua badaukat baina
Beste denak ditut palta.
Nere maitiaz igarotako
Txera gozozko egunan
Gurasoaren arrera samur
Unkigarri ta bigunak
Amerikara ostera baten
Galdu izan ditut danak
Amaika olan-go errakuntzetan
Jauzi gera EUSKALDUNAK
Danen gainetik beti dirua
Maitatzen izan dogunak.