Bertso berriak Atlethiri jarriak

 Zorionak Bilbon denoi

 nahiz irabazi den doi-doi

 Atlethik Klub-ko jokalariek

 ba daukate sasoi.

 Ba dira mila arrazoi

 baina aditu hau otoi

 gure Atlethik oraingo hontan

 portatu da lehoi.

 Ipini zuten fedea

 ta gogortasun berea

 saiatzen denak irabaztea

 hauxe da legea.

 A zer ekipo trebea!

 Irabaztea xedea!

 haien gainean ez da gelditu

 ezta merengea.

 Irabazten ez zen errez

 jokatu behar zen aurrez

 saiatu dira futbol zelaian

 behar zuten legez,

 aurrera egin beharrez

 atzera egin inoiz ez

 hiru gara ta orain bakarrik

 falta da Alaves.

 Deiadar oihukatuak

 oso sarri aipatuak

 beste ekipo batzutan daude

 kriston kontratuak.

 Horiexek pekatuak

 baina paper aldatuak

 Atlethik dugu lehoia eta

 besteak katuak.

 Kantatuko dugu sarri

 liga zaigula etorri

 Atlethik honek emango ditu

 makina bat berri.

 Ta orain ez egon larri

 Europakoa ekarri

 herri haietan jakin dezaten

 non den Euskal Herria.

 Gure hiria nola dagon

 gu ere halaxe egon

 irabazi du Atlethik eta

 beste hor konpon.

 Hemen baleude Salomon

 Ra Jupiter eta Aton

 ziur liteke Atlethirentzat

 kantako Aliron.