Beranteko urrikiak
1
Bizi nintzena bakean
Ait'a mekilan batean,
Tratulari bat sarthu zerautan, uste gaberik etchean,
Ez baitzuen nahi handik athera ni saretan sar artean,
2
Amerikako bidea
Har-ezazu, Jaun gaztea;
Erranen dautzut nola bizi den lekhu hartako jendea,
Hemen kobrea bezain nasaiki hau badabila urhea.
3
Orduan nintzen harrotu,
Gogo guzia berotu.
Abisu frango izan dut, bainan ez naiz nihori behatu;
Ni zoro bezain hura ernea, laster ninduen beretu.
4
Diru-goseak nerama,
Utzirik ait'eta ama;
Arrosa petik ather'orduko, arrantzetan atzemana,
Nahigabetan bethi bizi da aiter behatzen ez dena.
5
Untzian hasi senditaen
Damuak bihotza zaurtzen;
Ald'orotara begira, bainan urik baizen ez ikhusten,
Haize tempestak, masten karraskak zain guziak ikharatzen.
6
Sarthu naiz azken buruan
Gogoa naukan lekhuan;
Neure etchean nintuelarik atseginak inguruan,
Orai hemen naiz, dohakabea, nehor gabe desterruan.
7
Bizi naiz nahigabetan
Bethi hasgorapenetan
Damu min-gaitzik tidatu nintzen bertzen solas ederretan!
Geroztik hunat urrikitu zait probetchu gabe bortzetan.
8
Ene haurride gazteak,
Ez segi ene bideak!
Ithurri khiratsetan edan du zuen anaia maiteak,
Hemen egunak luze dohazko nola herrian urtheak.
9
Bidali diot amari
Zertaz nagon hemen eri
Zerbait laguntza egin dezola nigarrez dagon haurrari;
Ahalik balitz nahi bailuke sorthu-lekhurat itzuli.
10
Hemen nago lotsatua,
Dolu minez higatua;
Ikhusten badut berriz aldi bat Eskual-herriko zerua,
Hor biziko naiz lehen bezala, galtzen ez badut burua.