Bein mundutik faltatzen danak
Bein mundutikan faltatzen danak
geiago ez du bueltikan
bertso batzuek jarriko ditut
artutzen badet betikan.
Aspalditxuan etzat arkitzen
desiuaren faltikan
eskola galantazkua duten
gizonak joanagatikan
jakinduriak kentzen dizkate
ez dute egiten kartikan.
Notizi ori bialdu duenik
oraindik ez da joan granorik
bide oietan ez da egongo
alanbre eta palorik.
Mundu onetan bizi diranak
egiten dituzte lan orik
nonbait emendik ezin atera
beste aldeko planorik
andik onera itzegiteko
ez dago telefonorik.
Fedegabiak esaten dute
alkarrengena biltzian
animalien antzian.
Animaz arrunt aztuak daude
utzitzen dute atzian
geroko ez dala kuidadorikan
akabo dala itzian
orrelakuak faltatutzen du
fede santuko itzian.
Ez dakitenak abertentzian
aguro ditut parako
gu Jainkoek ez gaitu bota
mundura bakarrerako.
Animaliak egin zituan
gure serbiziorako
estudioak sortzen dituzte
alderdi askotarako
baņan emengo jakinduriak
ez du balio arako.
Mundu onetan izandu dira
bastante jende abillak
orain bizirik asko dabiltza
eta badira len illak.
Jainkoaren kontra egiņik
izugarrizko batalla
baņan arentzat ez du balio
gizonak eta mutillak
oien moduko fedea zuten
juduak eta jendillak.
Jainkorikan ez dala esaten
duten gizonak badia
oien partetik laixter galduko
litzake kristandadia.
Zuzena baņo errezago da
okerrerako bidea
engaņatutzen erraza dago
oraingo gazte jendia
ganantzirikan ez du egitan
pranko oztu da fedia.
Fedegabiak esaten dute
az dala Jainkorikan
eta ain gutxi Zerua eta
gaņera inpenurikan.
Munduan ondo pasa ezkero
ez dala kuidadorikan
baņan ez dugu sinistu bear
iņork orrelakorikan
ni konfintza osuan nago
ez det agiten dudikan.
Ardi zaliak artu zazute
gauz ortan erreparua
sellu ederra berekin dauka
orra seņale klarua.
Dudarik ez da izango dira
inpernue eta zerua
zenbait gizonek ez dakit zertan
nekatzen duten burua
egiarekin sinistatzen ez
ez dute fede berua.
Diferentzi aundia dago
ezin konpondu kituan
lenago ere oiek buruan
pasa izandu nituan.
Illargia eta eguzkia ere
nola ikusten dituan
minuturikan faltatu gabe
or dabiltza segituan
oiek lengo zarrak direde
norbaitek jarri zituan.
Itsasoa ere beti or dabil
bere lekuan bueltaka
errespetatzen du orrek oraindik
jarri zioten ataka.
Gizona berriz errenditzeko
pentsamenturik ez daka
aspaldi xamar pasa zituzten
bere neurria eta marka
onak badira oraindik baņo,
oraintxen oso banaka.
