Beatus vir qui non abiit...
Zoriontsu da gaiztoen onuak
ez darraizkiana,
obendien bide makurretatik
ez doan gizona,
ta isekarien biltzar-tokietan
esertzen ez dana;
Bere atsegin guzia Jaunaren
legean daukana,
ta berorren legea gau ta egun
gogoan duana.
Alakoa da, ur-ertzean landatu.
ta bere garaian
arnari yoria ekartzen duen
zuaitzaren gisan.
Zuaitz orri etzaio ostorik galtzen,
ta gizon orreri
artzen dituen lanbide guziak
gertatzen zaizko ongi.
Gaiztoak berriz ez dira alakoak,
bai ordea aizeak
lurraren gaņetik aizatzen duen
autsaren baldeak.
Gaiztoak ezin dute iraungo zutik
epai-egunean,
obendiak ere ez dira jarriko
zuzenen bilkuran.
Zuzenen burubide ona jaunak.
ezagutzen baitu;
gaiztoen burubide ta asmo okerrak
ezetatzen ditu.
