Beatak

Heuly-Ithurria-Guilbeau.

 1

 Kantatzerat noha ni omore onian,

 Sujeta kausiturik Azkaingo herrian.

 Nahi dautzuek erran hemen konpainian

 Zer liliak ditugun beaten artian.

 2

 Elizan kantatzen da: " beatam me dicent".

 Holako egiarik nik eztut aditzen.

 Orai hasterat noha ni horren frogatzen,

 Bertsutan naizelarik beatez mintzatzen.

 3

 Beatez mintzatzian, errazu non-nahi

 Dotzena bat beata, medisent hamabi.

 Zenbaitez choilki hemen naiz mintzatu nahi:

 Heiek izanen dira guzientzat bahi,

 4

 Elizatik ez urrun dira lau presuna

 Atabala karrikan jotzen dakitena:

 Tatchatto bat badute orok dakitena:

 Mihia luze, sarkor, iduri eztena!

 5

 Hola nola erlea kofoin bazterretan

 Lorez-lore dabila egun ederretan.

 Hala gure beatak dabiltza etchetan

 Nondik zer berri ikas, saltzeko bertzetan.

 6

 Oraino aditua erraiten balute?

 Bainan joste brodatzen ederki dakite:

 Berga bat eros eta biga saltzen dute,

 Ofizioa untsa ikasi baitute.

 7

 Ibiltzen dira bada usu kofesatzen.

 Zer othe dute hantchet chilorat botatzen?

 Erdiak erran eta, bertzeak gordatzen.

 Medisentzia ez da etsaminan sartzea.

 8

 Igande astelehun elgarrekin dire.

 Lan eginaren arras adichkide dire:

 Trufan eta musikan bertzez ari dire

 Ezpalute bezala tatcharik batere.

 9

 Aitzinetik pereka, gibeletik jorra

 Da egun bakotcheko heien lan bakarra.

 Imitatuz ederki animale tzarra,

 Zoinak baitu eskuaraz izena: zakurra.

 lo

 Adinak eztiote zentzua ttipitu.

 Eztute egundaino untsa bat izatu!

 Beharko dute naski mutchurdin gelditu,

 Ez hartzekotzat zenbait kabeza churitu.

 11

 Bizpahiru badire ezagut arrachak

 Demborak baitiozte eman bere tatchak:

 Batek larrua chimur, bertzeak hortz motchak,

 Berrogoi urte segur baituzte bakotchak.

 12

 Guziek balukete ezkont gutizia,

 Norbaitek nahi balu andre hitzuntzia

 Inkanta dadiela botiga guzia,

 Azkainen eztadin gal beaten hazia.