Oihaneko intzirina
Urretxindorra zuhaitzetan
edertasunaren kantu bera
hego distiratsuak
eguzkia estaltzen.
Urretxindorra buru harroa
ametsaren doinu berria
muku galanta
tximistaren bekaizkeria.
Urretxindorra maitea
basoaren seme argia
sabelean soinua,
saparen bizia.
Gaur, urretxindorra
isiltasunaren baitan,
bere ohiu tristea
ito egiten da.
Adarraren urretxindorra
barne bakardadean,
enborraren usaina miazkatzen,
irristatzen da.
Alaitasunaren urretxindorra
intzirinez zuhaitza urratzen,
laztandu beharrean
haizeruntz jarkitzen da.
Urretxindorra lumaiaz desegina
ispilu aurrean negargale
errekari malkoak oparitzen.
Haizeaz bildurtuta
laino azpian,
hosto artean
izkutatzen da.
Hemen urretxindorrak
bihotzaren intziri horia,
lurrean erorita,
hotzikarak sentitzen ditu.
Errekaren xurrumurru urdinak
bere oroimenaren otoitza
herioari eskaintzen dio.