[Txomin Agirre]. Itxastar eta mendizale...

Azpillaga, J.

 Zure girantzan nator Agirre

 itz egitera barrutik,

 gogoratuaz zenbat gauz eder

 sortu zenduzan burutik,

 zuk maite zendun izkuntza zarra

 osta osta dabil zutik,

 al zenduana gogoz egin da

 juan bai ziñan mundutik,

 baiña gaur era premis dago ta

 lagun zayozu zerutik.

 Kresal artean jayua ziñan

 Ondarrua'ko errian,

 baña gogoa itxas ertzean

 bezela zendun mendian,

 zure Kresala ata Garoa

 zer gauza ederrak diran,

 gelditu gabe euskera alde

 ibilli ziñan lanian,

 Zeruko Jaunak gorde zaitzala

 betiko atsedenian.