BEre lLengusiņa bateri, bere ezkontzan
Azpillaga
I
Pozez beterik nagon garaian
Eraso bear lanari
Zarren gustua bertsoz egin nai
Bakarrik ez gazteari
Besarkada bat eman ondoren
Nere lengusiņeari
lagun senide eta guraso
Emen diranak agiri
Txalo bizi bat jo zaiozue
Danak ezkon-berriari.
2
Anai arrebak ez gera baņa
Lengusuak baņo geyo
Plater bateko janariz azi
Ia kabi baten jayo
Guk izan degu anai-arreba
Askok ez aņa amodiyo
Ta oraingoan banatu gera
Ezkontza dala mediyo
Bere zor leku TORRE-ZARRARI
Agur on bat egin diyo.
3
Zeņek neurtu gure arteko
Anai-arrebatasunak
Oiturak berdiņ dakiguz biok
Ao batetik entzunak
Kabi zarraren abatik datoz
Bakearen laztasunak
Gerra osteko urte latzetan
Zelako estutasunak
Jaun-Goikuari milloi bat esker
Sendo deguz osasunak.
4
Iraillak duan zortzian ditu
Oitalau arte paziak
Nik ere laister betetzen ditut
Ez dira izan luziak
Bikiak diran bezelaxenik
Gerade biok aziak
Urte txarrean jaioak baņa
Pasatu dira guziak
Geure tokitan poz pozik gaude
Jaun-Goikoari graziak.
5
Nere bertsoak azaldu ditu
Maitasun ezaugarriak
Danak negarrez zuen biotzak
Ez dira marmol ta arriak
Kabi zarraren bake santua
Eztu pagatzen urriak
Au gogorrago esango nuke
Al balu nere eztarriak
Ta azkenean danok erantzun
GORA GAUR EZKON-BERRIAK.
