[Bertsotan]
Azpillaga - Okelar
Azpillaga
Agur guraso, agur zaar maite
emen bildu gera aurten,
Jainkoak daki zaar jende onek
zenbat neke igo duten.
Leeno gazteak izanak dira
zaartu alakoren baten,
gaurko gazteak gu ari gera
leen zuek egiņak jaten.
Okelar
Auek onala ikusirikan
ez da gure kalterako,
gu ez gerade modu orretan
oso gaizki aterako.
Naiz izan zaarrak balio dute
edozer lanetarako,
oraindik ere, bazerate bai
urte batzuetarako.
Azpillaga
Eman dezute zeuen denboran
zeuen indar ta izate,
oinbeste eta geiago bear
dezutenak bai zerate.
Gaurko joera ikusi eta
nik antz emandiot laste,
lan egiteko zaartu zaizkigu
erromerirako gazte,
Okelar
Gazte denboran beren almenak
or zituzten erakutzi,
sasoi ortara iritxi arte
gogor asko zuek eutzi.
Garaia dala pentzatutzen det
lanai egiteko utzi,
orain artean egindakoak
etziran izango gutxi.
Azpillaga
Zenbat lanklase egin dituzten
egongo dira aaztuta,
garai aietan ezin ziteken
joan kotxe bat artuta.
Egin zituzten lanak balaude
bear ainbat pagatuta,
seguru aski egongo ziran
guztiak aberaztuta.
Okelar
Ai Azpillaga, sinistutzen det
zuk orain esan dezuna,
zaar abek ondo bete baizuten
zeukaten eginkizuna.
Umore ona dute berengan
ta gaņera osasuna,
ori ez alda mundu onetan
danon aberaztasuna.
Azpillaga
Gaurko eguna nekez iritxi
ta azkar bear du juan,
zaarrak goratzen asi bear gera
naiz len egon ez bajuan.
Zer tamaņako kristauak diran
azaldu dute gaurkuan,
gazteak baiņo geiago dira
pixkat berotutakuan.
Okelar
Onelakoak onak dirade
noizean beiņ elkartzeko,
kontu batzuek esan lenago
kontu zaarrak aitatzeko.
Nekealdiak aazturik noizbait
ola zerbait gozatzeko,
ezdaukazute ardurarikan
urte batzuk pasatzeko.
