(Aita Santiri)
Azpillaga, Jon - Lopategi, Aritz
Azp.:
Txorien gisa ontaz pentsatzen
esnatua naiz gaur goizez:
ondo egiteko sekulan ere
ez da egon bear lotsez;
olerkari bat omendutzeko
danak batu gera pozez
Aita Santiri milla zorion
ta eskerrik asko biotzez.
Lop.:
Arrazoi batek alkartu gaitu
emen guztiok batera:
Aita Santiri egiten gatoz
merezi duen arrera.
Ainbat liburu bere indarrez
atera ditu aurrera,
argaitik gatoz gaur beregana
gure eskerrak ematera.
Azp.:
Bertsolari ere etorri,
gara zarra ta guztia;
tokatutzen zan Aita Santiri
zor doguna erakustia.
Bertso inguruan ortxe darama
bere bizitza guztia.
Gu zure izar txikiak gera,
zu zera gure eguzkia.
Lop.:
Euskeran alde lan egin dozu
oso gogotsu eta fiņ.
Ainbeste bertso biltzeko ere
egiņaz ainbat alegiņ.
Zure moduko gizon geiago
bear ditugu Euskadin
gure erriko kultura zarra
beti salbo egon dadin.
Azp.:
Eleiza eta euskera izan da
bukatzen ez dan jarduna.
"Milla euskal olerki eder" or dago
jenteak ezautzen duna;
olerkarien maixua zera,
bertsolarien laguna;
bedeinkatua mundu ontara
zu sortu ziņan eguna.
Lop.:
Langille fiņa izan zara zu
alaia eta bizkorra,
naiz eta sarri zeure inguruan
eduki giro gogorra.
Argaitik gaur zu omendutea
dogu gauza derrigorra;
zuzena zeure sinismenetan
eta euskaldun jatorra.