[Bertsotan]
Azpillaga - Amuriza
Azpillaga:
Mingaina isilik ez dago eta
bihotza berdin berbetan,
hainbeste gauza pasatzen dira
gure Euskal Herrietan,
gudari on bat hor non hil daben
mugaz harunztikan bertan,
berdingabeko hautsak hor dabiltz
Kantabriako urtean.
Amuriza:
Kantauri hori hauts sakratuoz
izan berri da nahasia,
itsaso amak egingo al du
tokatzen zan justizia,
esaten dute itsaso hori
izan dugula bizia.
Mikelen hautsa izan da orain
itsaso horren grazia.
Jon Enbeita:
Hau da justzi gosea eta
hau injustizi txepela,
berriz lurrean ehortzi zaigu
gudari odol epela.
Ifar-Hegoak elkartzen dago
ibai erdian "Txapela",
abertzaleen kontzientzia
magaltzen duen txapela.
Azpillaga:
Gudari on bat hor non hil jakun
ta danak daukagu pena,
askatasuna heldu daitela
bera izanik azkena,
itsas handian orain badakit
Mikel libre dabilena,
zeozergatik hautatu eban
sepulturik onena.
Amuriza:
Hilobi hortan Mikelen hautsak
ziradenean erori,
arrain guztiek galdetzen zuten;
"nor da baina mutil hori?"
Eta Euskadik erantzun zion:
"Haize librea gidari,
mutil hori da hilen martiri
ta biziaren gudari"
Jon Enbeita:
Bihotz erdiko isilean du
negar gure Aberriak,
zenbat holako gudari hil du
isilpetako gerriak,
hauts bakoitzetik sortuko dira
biharko txingar berriak,
berotasunik falta ez dezan
sekula gure herriak
Azpillaga:
Denok dakigu indarra dala
askatasun oinarria,
Mikelek ere bide hortatik
hase eban egarria,
gudarien bat hiltzen da barria,
kantauri itsas gainean dauka
monumentua jarria.
Amuriza:
Gudari baten hiltzeak, jaunak
negarrikan ez du behar,
gudaria da hilda gero ere
goian dizdiz dagon izar,
geroztik hemen euria hasten
denean mendian zehar,
nik opentsatzen dut:
"Ur fresko horrek
Mikelen arima dakar".
Jon Enbeita:
Haize garbia, arnasa du ta
itsaso urdina magal,
nahizta aspaldi ilunpetatik
hortzez bete hainbat hegal,
alperrik datoz oihu irrintziz
mila ateak edo "Gal",
bizi nahi duen herri izan du
indarren ararazoiak gal.
