[Bertsotan]
Azpillaga - Amuriza
Azpillaga
Gure buruan sortutzen dana
irtetzen du mingainetik
etorkizuna denok egingo
dezute zuen lanetik
dana behar da kultura, kirol
eta ohitura danetik
gauza guzitan gauz'(a) ederra da
saiabide apainetik
baina hizkuntza herri batentzat
gauza guzien gainetik.
Amuritza
Gauza guztien goitik hizkuntza
behar genuela jarri
zuek hortara bildu zarete
esku emanez elkarri.
Astronomuak badira hemen
batzuk estu eta larri
izarren bila joan omen ziren
ta ilargia ekarri
kultura behar bazen ez gara
toki txarrera etorri.
Azpillaga:
Egunsentian zabaltzen dala
etx'(e) haundi honen atia
eta edonork libre omen du
entrenatzera joatia.
Marathoi eta futbol zaliak
izan lezake kaltia
preparatuta ez dagonari
bihotzeko atakia
bada ezpada ez al da hobe
geldi geldi egotia?
Amuritza
Geldi egotea gauza ona da
horrela izan dedila
bainan alboan jarri digute
presentadore abila
Israelera joana omen zan
zientzi berrien bila
mikrofonuan jarri ezkero
ez dugu txoki ixila
praka motxekin daukagu bainan
azpian dauka fusila.