Elosegui-ko on Jose jaunari bere dei edo pregoi bakarreko igandean
Azkarate, Ramos
Igarondoko chori guziyak
¡¡Nola diguten kantatzen!!
"Gure erriko Erregearen
Semea dala ezkontzen"
Oriya deitzen zayon ibayan
Arrayak dabiltz dantzatzen
Elosegui-ko Prinzipe aren
Ezkontza ona gozatzen.
Uzturre gaña Izazkunekiñ
Eta Urkizu mendiyak,
San Antoniyoz oroitu eta
Guziro daude alayak:
Pozaren pozaz loretu dira
Beotibar-ko zelayak,
Bai era ere Laurak-bateko
Kondaira zoragarriyak.
Zure ezkontza kantatzen daude
Birigarro ta zozuak....
Eta ¿nola ez, baldiñ nai badu
Birjiña Izazkunguak?
Zure ezkontza zabaltzen dabiltz
Nun naiko eche-usuak....
¿Zergatikan ez, ala nai badu
Ama doloretakuak?
Zure gloriyaz pozturik daude
Langille fabrikakuak....
Atsegiñ degu inbidirikan
Ez degun Tolosakuak:
Kontentuz daude errukitsuen
Eche Santuko gaisuak...
Gaude gozatzen Euskal-erriko
Fuerista egiyazkuak.
Eloseguitik, Larrañagatik
Datozen izar berriyak,
Izango dira Jaungoikoaren
Eleizen argigarriyak:
Dira izango salbatutzeko
Ibero-tarren mendiyak....
Izango dira aitaren gisan
Guzizko maitagarriyak.
¿Zer kantatutzen ote dizute
Zure baratzan choriyak?
¿Zer kantatu nai ote dizute
Jauregi' ikusgarriyak?
Ibillitzeko atz-erriyetan?
Asetzen zuen begiyak,
Eta len bait len etorritzeko
Bertara ezkon berriyak.