Churruka biyotz aundiko umant denaren umantari, 1885-garren urtean garagar-illaren 28-an
Azcarate, Ramos
Benazko amets eder bat egiñ
Nuben nik lengo gaubean,
Nunbait ikusi bear nubela
Biyotz aundiko Damian;
Berarengatik arkitzen zaitut
Jayo ziñaden errian,
Gloriz betea, onraz jantziya
Ta gizontasun aundian.
Larogei urte igaro dira
Gauza guchi gora bera,
Joan ziñadela zeruen bidez
Trafalgarreko urera;
Etsai gogorrak zizuten ekiñ
Orduban zure gañera,
Bañan chit ondo josi zenuben
Nepomuzenon bandera.
Pelean ziñez ari ziñala
Belauna zizuten autsi,
¡Au ezta ezer! segi aurrera
Egin zenduban irrintzi;
Etzenduben nai zere ontziya,
Etsayen mendean utzi,
Glori aundiyan zure begiyak
Euskaraz ziñaden ichi.
¡Ai! ura egun zoragarriya
Urriyan ogeita bata,
Zenuben artu zere laguntzat
Jaungoikoaren letarta;
Beragatikan ziñaden egiñ
Umant danaren umanta,
Eta nork esan etzeradela
¿Illezkor guzien aita?
Arrazoyakin egongo ziran
Lutero-tarrak negarrez,
Chapel guziak erantzi eta
¡Ai! ¡ai! Churruka, esanez;
Garai-lariyak berak izanta
Onrak zuretzat emanez,
Ikusgarritzat para zinduzten
Nikolas zanak dionez.
¿Amaren baten sabeletikan
Jayo ote da semerik,
Itsas-lanetan eta letretan,
Zu baño aundiagorik?
Pakean ona; gudan gogorra,
Biyotz bat nobleagorik,
¿Izandu alda? ¿izango alda
Kosme Damian besterik?
¿Bestela nola Europian ta
Oro-bat Mundu Berrian,
Zure izena arkitutzen da
Gloririk aundienean?
¿Bestela nola Ferrolen eta
Kadiz kortea zanean,
Zure gloriyak para zituzten
Itsasoan ta lurrean?
Zenubelako ondo ikasi
Guraso zarren fedea,
Kantatu-dute, zabaldu dute
Kondairak zure gloria.
¿Noiz da gertatu? ¿non da arkitzen
Gizontasun bat obea?
¿Nork eman diyo Españiari
Zuk bezalako onrea?
Onrarengatik igo ziñaden.
Umant guztiyen gañera,
Onrarengatik gloriyaz bete
Zenduban zure euskera;
Onrarengatik zera etorri
Gure begien aurrera,
Onrarengatik beti bizirik
Munduban arkiko zera.
Motrikoako erri leyala
Seme aundiak baditu,
Baña azkena jayotakoak
Biyotzak mugitu ditu;
Beraren bidez dizugun zorra
Dizugu ¡noizbait! pagatu,
Zure onragan euskaldun danak
Ditezen alkarganatu.