Agur, agur bizkarrondo!
Azcarate, Ramos
Zurekin lotan, zurekin esna,
Zurekin ¿zergatik nabill?
Zekizulako itzak neurritzen
Zuzen, sendo ta biribill;
Zuregatikan bete biotza
Zoratu nayean dabill;
Zurekin naidu aurrera bizi,
Zurekin nailuke ere ill.
Zure izena etzait kendutzen
Beñere begietatik,
Ikusitzen det ezkerretan ta
Oro bat eskubitatik;
Irakurtzen det nere atzean,
Letzen ari naiz aurretik,
Ez naiz irten ta ez naiz irtengo
Baratza eder ontatik.
Zure omenak kantatutzeko
Letartak erregutzen dit,
Bañan ¿bai-aldet, izango aldet
Lan ontarako modurik?
Gañera berriz etzait arkitzen
Zure doayen laurdenik,
¡Ausen da lana! ezin naiz asi,
Ezin naiz egon isillik.
Sinistazazu, Indalezio,
Zerala nere maitea,
Beraren bidea ¿nola nai dezu
Isillikan egotea?
Ez egon arren nere buruba
Jakinduriyaz betea,
Itz argal oyek aditutzeko
¡Arren! alchatu zaitea.
Zure amaren sabeletikan
Ziñadeneko jayoa,
Zerorren billa abiatu zan
Chit zuzen amoriyoa,
Bai eta ere legundu zizun
Eztiyarekin aboa,
Ziñaden chori onena baño
Kantari ederragoa.
Zu izan arren itzak neurtutzen
jatorritikan abilla,
Ez-ziñaden zu arroa izan
Baizikan guztiz umilla;
Zure lan onak gordetzen berriz
Mutu bat bezin isilla,
Orrengatika millak baterez,
Batek baliyo du milla,
Amoriyoan gazte denboran
Pasa zenduban bizitza,
Amoriyoan egin zenduban
Zori oneko ezkontza;
Gogoz maitamen ari ziñala
Echadiari biyotza,
Gerta zitzaizun zori gaiztoan
Negarrezko eriyotza.
¡Ay! etziñaden bakarrikan il!
¡Ill zan! luma bat azkarra,
Galdu zitzayon amoriyuari
Giyatzat zeukan izarra;
Igartu-re zan lore bat berriz
BOST LLAGA-beziñ ederra,
Errenkada oyek izkribatutzen
Egiten dizut negarra.
Amoriyoa etzenduban zuk
Ez erosi ta ez saldu.
Baizik zitzaitzun gorputz danean
Sube bat bezela bildu;
Beraren bidez iguzu guri
Euskal-erriyan zabaldu
¿Amoriyuak sene oberik
Izan ta izango aldu?
Zu izanikan amoriyuak
Pare-gabeko semea,
Zu izan ziñan itzak neurtutzen
Zazpi doayen jabea;
¿Nola nai dezu, nola liteke,
Nola gentzake ordea?
¿Noren gandikan, nundik nai dezu
Zure izena galtzea?
Zure izena galdutzen bada,
Galdu dira naitasunak,
Galdubak dira gure artean
Diran anayatasunak;
Galduko dira emakumeak,
Galduko gera gizonak,
Galduko dira Jaun zerukoak
Para zizkigun gauz onak.
¿Uste aldezu zure izena
Arkitzen dala galdura?
Zure izena ikusten degu
Lore ederrez beteta;
Gañera berriz utzi ez dez
Sugarren batek erreta,
Urume eta Koncha ederrak
Erdiyan zauzka gordeta.
Amoriyua erakutsitzen
Umanta ziñalakuan,
Amoriyuan izen goyena
Daukazu Egiputzuan;
Amoriyuan sartuba zaude
Betiko gure goguan,
Eztago dudik amoriyuan
Gozatzen zaude Zeruan.
Ondo dakizu zu zuri begira
Daudela gure begiyak,
Ongi dakizu gaur nola dauden
Iberotarren mendiyak;
Ondo dakizu nola dauzkagun
Chit negar izugarriyak,
Ongi dakizu gaur zure bear
Dirala Euskal-erriyak.
Zuk itzegiten dakizulako
Guztik garbi eta ondo;
Egin diozu erregu ondo
Jaungoikoari agudo;
¿Ez aldakizu zer moduz bizi
Izandu giñan lenago?
Agurtzen zaitut; Indalezio,
¡AGUR, AGUR BIZKARRONDO!