Ama euskerak...
Ayerdi
Erruki ditut ene umeak
amarik gabe bai dira;
berak ordea ama gaxoaz
errukitzen ez dira.
¡Erruki ditut! Ni bazterturik
beste ama bat nai dute;
iñortxok ere artzen ez ditu,
ezta iñork ere maite.
Ni ume gabe, naigabez, miñez;
umeak ere ni gabe
auldu dira, ta il-zorian
¡gaxoak! negarrez daude.
¡Atozte, umeak! egin zaitezte
egizko amaren jabe;
ez bazatozte, ilko zera ta
ludia... Euskera gabe!!!
|