Pozarren gatortzuz, Ama
Aurraitz
Karmel'go Ama maitearen
begi zolien samurpean,
kristiñauon fedeak
ba-dau euskarria:
Larrea'ko praillien
anaidi argia.
Munduko iskanbilletik landa
otoitz, berbaldi ta ekintzaz
belaunik-belaun jabon
dabez, karmel'darrak,
gure Erriko ekandu
eta birtuteak.
Maite dogu Karmel'go Ama,
mendi-barrengo larre ezean.
Praille zintzoai esker
(arbasoakandik)
eraspen au, gurean,
ez dago etenik.
Bureskunde-jaiotan, Ama,
zeugana gatortzuz, pozarren,
biotzez eskintzera
maite-burestuna:
poz, negar ta otoitzez
egin-antzez-lana.
Zeure mesedeak gogoan
kantu ta otoitz gatortzuz, ba.
Mundu gaikoia bego
lurrera begira.
Kristiñau-legez guk, nai,
zeurekin, aurrera.
Zeure kutuna bularrean
ez gara ezeren be bildur.
Zuganako jaierak
Bizkaia'n iraungo:
Gure bidean, esi,
etsaiak ezingo.
Zure bureskundea beite
maitetasun-erakutsia.
Erregin nai zaitugu,
arima ta gorputz:
Aldi naastetsuotan
zu barik, ume-zurtz.
Agur, ba, Karmel'go Ama on,
geure poz ta itxaropidea!
Azkortu Larrea'ko
prailleen anaidia,
jarrai daien edatzen,
zeruen argia.
|