Olermenaren deia
Aurre-Apraiz
Zuzitutako aberriaren
zidor labanez, urratsak erne,
oldozkor yoian, olerkaria,
mendietako bake gardenaz
asetu guraz barne-egarria.
Zoritxarraren eresi illuna
dantzu gogoan deadar bizi:
bake-egarria zanetan dar-dar,
-zauri minberak gogo ausian-,
olermenaren barruko didar.
Joan ta joan, baso ixilletan
daurkiz bakezko nasaitasun ta
bizi-pozaren zentzu gardena;
bedar, odoldi, atseden-zelai,
ustu dau bere nekeen astuna.
Eguzki ta itzal, aize ozkoa,
osasun bete-betea daurki.
Txori ta abereen bizitza askeaz
saminduaren izketa ixilla
burrundadaka yabilko, txeraz.
Ixillik datza, aize garbitan,
uriko iskanbil-otsetik urrun,
arnasa luzeen atsedenean.
Ames-sorgiņen ego-otsak, baiņa,
oska yabilkoz itxarri guran.
Bakartasuna, bakezko zelai,
maitasunezko zorion-leku.
Zarata barik antxe nai leuke,
baiņa sastada meak gogoan
ekintza-eske, erriko neke.
Bake ederraren ikusmenean,
izadiaren otsezti ta usain,
poz betearen arnasa garden:
Olermenaren ariak oska,
olerki ta abes, errira daiten.
Basoko aizez, olermena zut,
erri itxargarri, ots eraginkor:
Bide latzetan, bildurrak menpe,
askatasuna aldarrikatzen
diardu, zoli, aske zein espe.