Olerkien sortzea

Aurraitz

 Neure olermenaren barru erestsuan

 zapartari yabiltaz beredin itz, aske,

 azalera urten guraz, adimen on-eske,

 neuritzak onduteko gurari bizian.

 Itz gardenak yatortaz, oler-eragiñez,

 biozkadaz txukunduz, luma-erpiñera;

 olerkiak ontzeko guztiak ez dira:

 Onenak auta bear ederraren senez.

 Egokienak ezar, zentzunez ingira,

 olerkia izan daiten biotz-zirkingarri;

 asaben izkuntzea daiten iraungarri,

 itz gogoz atonduta, on-zaleen gilbera.

 Neurtitzen azalean ez dan olerkirik;

 barruko zentzunean aurki bear guna,

 esakeren sentzuan dabillan laztana,

 nabaipenen ariak gozatsu ikuturik.

 Izadi-eragiñez sortutako argiz

 ikusmenak barruan eragiten zirkin,

 olermena azkortzeko sakakada atsegin,

 gogaiak sortu-azoz burutapen zoliz.

 Itzoen alkartasuna erezi gozatsu,

 neurtitzen mamiñen ezkutuk sorgin.

 Aapaidien barruan pozezko eragin;

 ixilpeko bideetan esakeren zentzu.

 Izadiari adi, ederraren senaz,

 biotzaren ariak durundiz, artega;

 itzen zirkiña egaz, eragozpen baga:

 Benetako olerkiak goi-anotsak daukaz.