Negu-azkenean
Aurre-Apraiz
Lurmentzen doa edurra,
ta ba-daroaz, egoiak,
negu-ateak itxiez,
ametzen luma zuriak.
Erantzi dabe basoak
orban bagako longaiņa;
edoi-ertzak argitu dau
negu-bekoki gordiņa.
Margoen ederra ager-min
artega lora-murgillak;
mintzo-ariak gozatzen
diardu bidegarroak.
Osasun betea dabil
landen argitasunean;
poza zabaltzen diardu
Izadiak lurmenean.
Ganezka daukat biotza
bizi-poz oneri adi;
Irazaleganantz doaz
esker-kantu ta eresi.
Edurren zuri garbia
ta bedatzaren poztasun,
gomuta iraunkor bekidaz,
elbururantz bide-lagun.
|